‘n Derde Afrikaanse Sokkie vir StudentePlein in die pylvak

Kaartjieverkope vir StudentePlein se langverwagte derde Afrikaanse sokkie, het op 1 Julie geopen. Die naderende groot dag word met entoesiasme deur ons lede op sosiale media gevolg. Die groot trekpleister van die aand is die gewilde Afrikaanse kunstenaar Riaan Benadé! Sy voete-jeuk Afrikaanse sokkiemusiek, tesame met Kwagga Boucher se asemrowende venue vir die aand by La Boucher Wynplaas, waarborg ‘n onvergeetlike viering van Afrikaanse kultuur en taal op 19 September 2024.