Bly ingelig met die nuutste opdaterings van StudentePlein
StudentePlein stel die PleinRaad-leierskorps bekend met vier fokusareas: akademie, media, sosiale aktiwiteite en debat. Die projek skep geleenthede vir Afrikaanse studente om binne ondersteunende netwerke leiding te neem.
StudentePlein het LeerNet KI bekendgestel – die eerste Afrikaanse kunsmatige intelligensie-platform vir studente. Die platform vertaal Engelse studiemateriaal en beantwoord vrae in Afrikaans.
Op 21 Februarie het StudentePlein saam met sewe miljoen mense Internasionale Moedertaaldag gevier. Die viering merk ook die begin van Afrikaans se eeufees as amptelike taal.
StudentePlein het 2025 afgeskop met 'n padeltoernooi vir agt koshuise, 'n Valentynssokkie vir 300 studente en 'n raakrugbytoernooi by Middelvlei. Die Afrikaanse sosiale geleenthede was 'n reuse sukses.
StudentePlein se debatspan het die nasionale Dink of Sink-debatkompetisie vir die tweede agtereenvolgende jaar gewen. Die span het NWU in die finale rondte by Akademia se Centurion-kampus geklop.
StudentePlein se OpSkop Sokkie met Riaan Benadé het uitverkoop en alle verwagtinge oortref. Honderde studente het op La Boucher Wynplaas saamgekuier vir 'n aand van Afrikaanse musiek en kultuur.
StudentePlein het 'n waardevolle Afrikaanse Woordeboek-reeks uit die JS Gericke Biblioteek van vernietiging gered. Die Africana-versameling is nou in die Lutz-gebou gehuisves waar studente toegang het tot hierdie kulturele skat.
StudentePlein het op 13 Augustus koshuisleiers na La Boucher Wynplaas genooi om samewerking te bevorder. Die netwerkgeleentheid het gefokus op die skep van alternatiewe Afrikaanse geleenthede op Stellenbosch.
StudentePlein het in die derde kwartaal twee gewilde Afrikaanse sokkies en 'n pretdraf saam met verskeie koshuise aangebied. Die geleenthede het honderde studente gelok wat graag in Afrikaans sosialiseer.
Die Verkiesingskommissie van die US het probeer om 'n studenteraadverkiesing ongeldig te laat verklaar weens StudentePlein se ondersteuning van Afrikaanse kandidate. Die studentehof het die aansoek verwerp en bevind dat geen bewyse van wangedrag gelewer is nie.
StudentePlein se kantoor in die Lutzgebou trek tans baie studente tydens eksamentyd. Die goed toegeruste studieruimte met WiFi, kragopwekker en konferensielokaal bied lede 'n gerieflike werksomgewing net vyf minute vanaf die Neelsie.
StudentePlein se langverwagte derde Afrikaanse sokkie vind op 19 September 2024 by La Boucher Wynplaas plaas. Riaan Benadé tree as hoofkunstenaar op en kaartjies is reeds beskikbaar.